Mga navy officials, tinuruan raw ng Malacanang sa sasabihin sa senate investigation

Ayon kay Magdalo PL Rep. Gary Alejano, tinuruang mabuti ng Malacanang ang mga opisyal ng Philippine Navy bago ito isinabak sa Senado tungkol sa Frigate deal investigation.
Ayon raw sa nakalap na impormasyon ni Alejano, ilang beses diumanong ipinatawag ng Malacanang ang mga Navy officials upang turuan at linisin ang pangalan ni Special Assistant to the President Christopher Bong Go.
Ipanaalala naman ni Alejano na dapat ay bigyang laya ang mga Navy officials upang makapagsalita ng malaya at sabihin ang totoo.

Nagbabala naman ito na huwag hintaying maglabas ng sama loob ang mga Navy officials sa publiko.

Ayon pa kay Alejano, ibang klaseng protesta ang kayang gawin ng mga Navy officials.

Sa magkahiwalay na interview, idiniin naman ni senador Antonio Trillanes IV si Bong Go na nakialam sa Frigate Deal.

Binanggit ni Trillanes na nagpameeting ang Malacanang noong January 20, 2017 kasama ang ilang opisyal ng Philippine Navy.

Sinabi rin ni Trillanes na simula ng ibigay ni Go ang white paper kay kay Defense Secretary Delfin Lorenzana ay nagsimula na ang pagpabor ng Navy officials sa Tacticos Thales.

Ngunit pagkatapos ng iprinisintang presentation ni Trillanes ay agad namang nilinaw ni Committee Chairman Senator Gringo Honasan na walang matibay na ebidensya na nagpapatunay na nakialam si Bong Go sa Frigate Deal.

***

What can you say about this?

Share us your thoughts by simply leaving on the comment section below. For more news updates, feel free to visit our site often. 

Thanks for dropping by and reading this post.


Source:  rmn.ph

No comments

Powered by Blogger.