Kaya namin pumatay ng 510 sundalo ka buwan - Joma Sison


Matatandaang inaresto nito lamang nakaraang araw ang isa sa consultant ng National Democratic Front (NDF) at kasalukuyang  nakakulong ngayon sa Camp Crame.
Dinakip si NDFP Consultant Rafael Baylosis ng mga tauhan ng CIDG-NCR sa Katipunan Road, Quezon City.

Dahil sa nangyaring pagaresto kay Baylosis, hinimok ni NDF founding chairman Jose Maria Sison ang mga miyembro ng New People's Army na magsagawa ng mas marami pang pagatake sa Pilipinas.
Sinabi ni Sison na sa ganitong paraan ay mapipilitang pumayag ang gobyerno upang ipagpatuloy ang usaping pangkapayapaan sa rebeldeng grupo.

Iginiit pa ni Sison na kapag hindi ipinagpatuloy ang peace talk ay kayang kaya ng NPA na pumatay ng isang sundalo kada araw sa labimpitong rehiyon sa bansa.

Ibinida pa nito na sumatutal ay aabot ng limang daan at sampung sundalo ang kaya nilang patayin kada buwan.

Sinabihan din ni Sison ang rebeldeng grupo na igalang parin ang Joint Agreement on Safety and Immunity Guarantees o JASIG.

Matatandaang sinabi ni Presidential Spokesman Harry Roque na kinansela na ni Pangulong Rodrigo Duterte ang alok na usaping pangkapayapaan sa NPA kaya wala nang saysay ang JASIG.

Nito lamang nakaraang araw ay lumabas sa balita ang naganap na pamumugot ng ulo ng NPA sa isang miyembro ng Citizen Armed Force Geographical Unit (CAFGU) Active Auxiliary (CAA) sa San Miguel, Surigao del Sur.

Ang bangkay ng biktima na natagpuan ay si Mar Acebedo Bocales, isang dating rebelde na nagbalik loob sa pamahalaan.

Ang bangkay ng biktima na isang katutubo  ay nakitaan ng palatandaan na tinorture muna bago pinaslang saka pinugutan ng ulo ng NPA.

Patuloy naman ang hot pursuit operations ng mga opisyal upang mapanagot sa batas ang mga teroristang NPA at mabigyan hustisya ang nangyari kay Bocales.

Nananawagan rin ang opisyal sa taumbayan na magkaisa sa paglaban kontra terorismo at karahasan ng nasabing rebelde.

***

What can you say about this?

Share us your thoughts by simply leaving on the comment section below. For more news updates, feel free to visit our site often. 

Thanks for dropping by and reading this post.


Source:  radyo.inquirer.net

No comments

Powered by Blogger.