Pagsipa ng stock market, patunay sa kumpiyansa ng investors sa Duterte admin



Inamin ni Trade and Industry Sec. Ramon Lopez na ang patuloy na paglakas ng stock market ng bansa ay patunay lamang na malakas ang tiwala ng mga investors sa pamahalaan ni Pangulong Rodrigo Duterte at sa takbo ng ekonomiya sa bansa.
Ginawa ni Sec. Lopez ang pahayag sa harap ng patuloy na record-high na stock index sa mga nakalipas na araw.

Sinabi ni Lopez, inaasahan ng mga investors na mas gaganda pa ang ekonomiya ng bansa at naniniwala sila sa economic fundamentals ni Pangulong Duterte.

Ayon kay Lopez, nakabase ito sa nakikita nilang paglago ng gross domestic product (GDP), manufacturing na mayroong 9.4% growth rate at dumaraming employment na magreresulta ng mas magandang market activity.

Kumbinsido din si Lopez na malaki ang naitulong sa confidence-building ang bagong Tax Reform for Accelaration and Inclusion (TRAIN) Law na makakadagdag sa buwis ng gobyerno na pwedeng gamitin sa mga proyekto.

Nito lamang pagpasok ng taong 2018, pormal na nilagdaan ni Pangulong Duterte Tax Reform For Acceleration And Inclusion o TRAIN.

Sinabi ng Pangulo na makikinabang sa P3.8 trillion na 2018 general appropriation act ang mga pulis at sundalo na mado-doble ang basic pay simula sa Enero.

Malaking bahagi rin aniya ng pondo ang inilaan sa imprastraktura, edukasyon at pondo ng mga lokal na pamahalaan.
Tiniyak naman ni Duterte na kayang suportahan ng pinirmahan niyang Tax Reform Package ang 2018 National Budget.

***

What can you say about this?

Share us your thoughts by simply leaving on the comment section below. For more news updates, feel free to visit our site often. 

Thanks for dropping by and reading this post.


Source:  bomboradyo.com

No comments

Powered by Blogger.